Popular Bible Verses from 1 Kauleethaus 1

Share

Tiamsis Vajtswv xaiv yam uas neeg ntiajteb suav hais tias ruam kawg nkaus los ua kom cov txawjntse txajmuag; thiab Nws xaiv yam uas neeg ntiajteb suav hais tias tsis muajzog los ua kom cov neeg muajzog txajmuag.

Rau cov neeg uas tabtom yuav puastsuaj mus, mas qhov uas hais txog tus ntoo khaublig yog ib qhov uas ruam heev rau lawv; tiamsis rau peb cov uas tabtom txais txoj kev cawmdim, mas qhov ntawd yog Vajtswv lub hwjchim ntag.

Rauqhov Vajtswv txoj kev ruam tseem ntse dua li neeg lub tswvyim, thiab Vajtswv txoj kev tsaugmuag tseem muajzog dua li neeg lub zog.

Vajtswv yog tus uas ncajncees, Nws yog tus uas tau hu nej los koom nrog Nws tus Tub Yexus Khetos uas yog peb tus Tswv.

Cov kwvtij, los ntawm peb tus Tswv Yexus Khetos lub npe, kuv thov kom nej ib leeg mloog ib leeg hais kom thiaj yuav tsis ua rau nej tawg ua pab ua pawg. Nej yuavtsum koom ib lub siab, koom ib txoj kev xav thiab muaj ib lub homphiaj xwb.

Yogli ntawd, cov neeg muaj tswvyim nyob qhovtwg? lossis cov xibhwb uas qhia Kevcai nyob qhovtwg? lossis cov neeg uas txawj sibcav txog neeg tiam no tej tswvyim nyob qhovtwg? Vajtswv twb ua rau neeg ntiajteb lub tswvyim ruam lawm!