Popular Bible Verses from Y-Êsai 41

Share

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Kyuadah Kâo jing Yêhôwa Aê Diê diih, Pô djă kngan hnuă diih, lač kơ diih, ‘Đăm huĭ ôh, kâo srăng đru diih.’

Nĕ anei, jih jang phung ăl kơ diih arăng srăng bi hêñ leh anăn bi rŭng. Phung bi kdơ̆ng hŏng diih srăng jing hơăi mang leh anăn rai luč.

diih yơh pô Kâo mă leh mơ̆ng knhal lăn ala, leh anăn iêô leh mơ̆ng kjhiêk gơ̆, leh anăn lač kơ diih, ‘Diih jing dĭng buăl Kâo;’ Kâo ruah diih leh, amâo hwiê hĕ diih ôh.

Diih srăng duah phung bi kdơ̆ng hŏng diih, ƀiădah amâo ƀuh ôh. Phung bi blah hŏng diih srăng jing hơăi mang, amâo yuôm ôh.

Đăm huĭ ôh, Ơ Y-Yakôp, pô jing msĕ si ênăng, leh anăn diih, Ơ phung êkei Y-Israel! Kâo pô srăng đru diih, Yêhôwa lač, Pô Bi Tui diih, Pô Doh Jăk phung Israel.

Ƀiădah diih, Ơ phung Israel, dĭng buăl Kâo, phung Yakôp, phung Kâo ruah leh, djuê mjeh Y-Abraham mah jiăng Kâo

Kâo srăng brei lu êa krông đoh ti dlông čư̆ kla, leh anăn lu akŏ êa bluh ti krah tlung. Kâo srăng brei dliê êhŏng jing êa ênao, leh anăn lăn thu jing akŏ êa ƀlĕ.

Phung ƀun ƀin leh anăn phung kƀah mnơ̆ng duah êa, ƀiădah amâo mâo ôh; leh anăn êlah diñu thu kyua mhao. Ƀiădah Kâo gơ̆, Yêhôwa, srăng lŏ wĭt lač kơ diñu; Kâo gơ̆, Aê Diê phung Israel, amâo srăng lui diñu ôh.

Hlei pô ngă leh anăn bi leh hĕ klei anăn, iêô leh ênuk mơ̆ng mphŭn dơ̆ng? Kâo gơ̆, Yêhôwa, Pô êlâo hĭn, leh anăn Pô dôk tơl knhal tuč, Kâo gơ̆ yơh Pô anăn.

Kâo srăng dưm hlăm dliê êhŏng ana kyâo sêdar, ana kyâo akasi, ana kyâo mirtơ, leh anăn ana kyâo ôliwơ. Kâo srăng dưm mđrăm mbĭt hlăm kdrăn tač ana kyâo čiprơ, ana kyâo hngô, leh anăn ana kyâo buis, čiăng kơ phung mnuih dưi ƀuh leh anăn thâo, dưi ksiêm leh anăn thâo săng mđrăm mbĭt kơ kngan Yêhôwa ngă leh klei anei, Pô Doh Jăk phung Israel hrih digơ̆.”