Popular Bible Verses from Y-Êsai 40

Share

Ñu brei klei mơai kơ pô hwăt leh, leh anăn Ñu mđĭ klei myang kơ hlei pô awăt.

Wăt phung hlăk ai srăng huăt leh anăn êmăn, leh anăn phung êkei êdam srăng lĕ buh; ƀiădah hlei phung čang guôn kơ Yêhôwa srăng lŏ bi mrâo klei ktang diñu, diñu srăng phiơr đĭ msĕ si tlang, diñu srăng êran leh anăn amâo êmăn ôh, diñu srăng êbat leh anăn amâo hwăt ôh.

Ih amâo thâo hĕ? Ih amâo hmư̆ hĕ? Yêhôwa jing Aê Diê dôk hlŏng lar, Pô Hrih leh knhal lăn ala. Ñu amâo hwăt ôh, kăn êmăn rei, arăng amâo dưi ksiêm ôh jih klei Ñu thâo săng.

Mâo asăp ur lač: Hlăm anôk dliê êhŏng, “Mkra bĕ êlan kơ Yêhôwa, ngă bi kpă sa bĭt êlan prŏng kơ Aê Diê drei hlăm kdrăn tač.

Rơ̆k krô, mnga dliu, ƀiădah klei Aê Diê drei blŭ srăng dôk nanao hlŏng lar.”

Klei guh kơang Yêhôwa srăng bi êdah, leh anăn jih jang mnuih mđrăm mbĭt srăng ƀuh klei guh kơang anăn, kyuadah ƀăng êgei Yêhôwa blŭ leh klei anăn.”

Jih jang tlung srăng đĭ phă dlông, jih jang čư̆ leh anăn kbuôn srăng dlưh ti gŭ; anôk klĭng srăng dap, leh anăn anôk ƀlŭng hŭt srăng jing mtăp ƀhiăr.

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Kngưr ală diih phă dlông leh anăn dlăng bĕ: hlei pô hrih mnơ̆ng anăn? Ñu bi kbiă phung kahan anăn tui si dŭm mâo digơ̆; Ñu iêô jih jang digơ̆ hŏng anăn digơ̆. Hŏng klei myang Ñu prŏng leh anăn kyuadah Ñu jing ktang hlăm klei myang, amâo kƀah sa mta ôh.

Ñu yơh dôk gŭ ti dlông kwang lăn ala, leh anăn phung dôk hlăm lăn ala jing msĕ si ktuôp. Ñu mblang phung adiê msĕ si sa blah čhiăm; Ñu mblang digơ̆ msĕ si sa blah sang čhiăm čiăng dôk.

Blŭ bĕ hŏng klei êdu kơ ƀuôn Yêrusalem leh anăn ur hưn kơ ñu klei ñu jing hlŭn ruê̆ leh, klei wê ñu pap brei leh, klei ñu mă tŭ leh mơ̆ng kngan Yêhôwa klei bi kmhal dua blư̆ lu hĭn kơ jih jang klei soh ñu.”

Mâo asăp lač, “Ur bĕ!” Leh anăn kâo lač, “Ya klei kâo srăng ur?” “Jih jang mnuih jing msĕ si rơ̆k mda, leh anăn jih jang klei siam ñu jing msĕ si mnga hlăm hma. Rơ̆k krô, mnga dliu, tơdah êwa Yêhôwa thut ti dlông ñu. Sĭt nik mnuih jing knŏng msĕ si rơ̆k.

Nĕ anei, Khua Yang Yêhôwa hriê hŏng klei myang, leh anăn Ñu srăng kiă kriê hŏng păl Ñu. Nĕ anei, Ñu ba leh anăn srăng brei klei mưn.

Aê Diê diih lač, “Bi juh bĕ, bi juh bĕ phung ƀuôn sang Kâo.

Hlei pô mkă leh jih jang êa hlăm kngan ñu, mkă phung adiê hŏng plă kngan, mkăm ƀruih lăn hlăm sa hnơ̆ng mkă, tĭng leh boh ktrŏ čư̆ hŏng knuak leh anăn kbuôn hlăm knăng? Hlei pô gai Mngăt Myang Yêhôwa, amâodah jing pô kčĕ kơ Ñu, bi hriăm Ñu leh? Hŏng hlei pô Ñu trông čhai čiăng mâo klei thâo mngač, hlei mtô kơ Ñu êlan klei kpă? Hlei bi hriăm Ñu klei thâo mĭn, leh anăn ktrâo kơ Ñu êlan thâo săng?