Popular Bible Verses from Y-Êsai 42

Share

“Kâo gơ̆ Yêhôwa iêô ih leh hlăm klei kpă ênô; Kâo djă leh ih ti kngan. Kâo srăng kiă kriê ih brei ih jing sa klei bi mguôp kơ phung ƀuôn sang, klei mngač kơ phung găp djuê mnuih, čiăng mblang ală phung bum, čiăng bi kbiă phung mnă mơ̆ng ƀăng arăng krư̆, leh anăn čiăng bi êngiê mơ̆ng sang mnă phung dôk hlăm klei mmăt.

Kâo jing Yêhôwa, snăn yơh anăn Kâo! Kâo amâo srăng brei ôh klei guh kơang Kâo kơ pô mkăn, kăn brei rei klei bi mni Kâo kơ rup yang krah.

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Ñu amâo srăng bi tloh ôh mbô joh leh, leh anăn ñu amâo srăng bluh ôh pui diăn dơ̆ng djiê. Hŏng klei sĭt nik, Ñu srăng ba klei kpă. Ñu amâo srăng awăt amâodah êdu ai ôh, tơl ñu mdơ̆ng leh klei kpă ti lăn ala; leh anăn jih jang plao ksĭ dôk guôn klei bhiăn ñu.”

Kâo srăng atăt phung bum ală ti êlan diñu amâo tuôm thâo kral ôh, Kâo srăng gai diñu hlăm êlan điêt diñu amâo thâo bĭt ôh. Kâo srăng bi mlih klei mmăt jing klei mngač ti anăp diñu, leh anăn anôk lăn ƀlŭng êhŭt jing lăn dap. Snăn yơh Kâo srăng ngă, leh anăn amâo lui diñu ôh.

Nĕ anei, klei êlâo truh sĭt leh, leh anăn ară anei Kâo hưn klei mrâo; êlâo klei anăn truh Kâo hưn kơ ih leh.”