Popular Bible Verses from Rɔmɔmɔɛ 3

Share

Nyibli a pɛpɛ 'wla Nyɩsʋa a tete nɩ. Ɛ nɔ‑ nu꞊o, Nyɩsʋa, ‑kɔtɩ ꞊bʋa 'yi, 'kɩ ɛ 'yɩ 'kɩ 'ʋ ꞊nʋ 'hʋɩ ‑nɩ de. Kɛɛ, Nyɩsʋa nʋɛ ‑tonyibli nɩ, 'ɛ yɩ 'ʋ ꞊nʋ yɩ 'sii ‑nɩ, 'kɩ 'ʋ 'a dɩɔnʋ ye', 'kɩ 'lɩ dadʋke 'kwli, ‑ɛ nu꞊o, ‑Yusu 'Klɩsʋ, ɛ nɔ‑ ‑hɛ 'lɩ ꞊nʋ dɛ 'kuku 'nyɩ.

'Hru a 'mʋ, ɛ nɔ‑ ‑bʋ: Nyibli ‑bʋ, ‑ʋ kuo ‑Yusu 'Klɩsʋ ꞊wlʋ yɩ, nʋ‑ Nyɩsʋa yɩ 'ʋ yɩ 'sii ‑nɩ, 'kɩ 'ʋ 'a dɩɔnʋ ye'. 'Hru a 'mʋ, Nyɩsʋa tɔɔ ꞊nɛ nyibli ‑mʋ', ‑ʋ kuo ‑Yusu 'Klɩsʋ ꞊wlʋ yɩ. Ɛ 'yɩ ‑Juukʋɛ* nɩ ‑do a 'hru 'pa‑, kɛɛ, 'a ‑nɛ nyiblo ꞊dʋ a 'hru ꞊nɩɔ, Nyɩsʋa 'ɛ tɔɔ ꞊nʋ꞊ʋ, ‑kɔtɩ ɛ 'nɩ 'jra꞊a nyibli 'yi lɛ.

Nyɩsʋa ‑ha꞊a nɩ, 'kɩ bʋ ‑hɛ ‑cɔhlʋn*, bʋ 'kʋ, 'kɩ 'ʋ ‑aan ‑ta', ‑a mʋ ‑bʋ, ‑ʋ blɛɛ wɛn 'kʋkʋʋ yɩ, ‑ɛ di꞊e nu, 'a ‑hlʋ 'mʋ ‑aan yɩnyre‑tɛblɩ 'wʋwla ‑nɩ. Kɛ‑ ɛ ni, 'ɛ yɩ ‑aan yɩnyre‑tɛblɩ 'wʋwla ‑nɩ, 'bʋ mɔ, ꞊ba kuo ꞊nɛ ꞊wlʋ yɩ, ‑ɛ mɔ, ‑Yusu 'Klɩsʋ 'kʋ nɩ, 'kɩ 'ʋ ‑aan ‑ta'. Kɛ‑ Nyɩsʋa ni 'a nunuo, ‑ɛ di꞊e nu, nyibli 'mʋ꞊ʋ 'ye, ‑ɛ mɔ, ɛ 'sii 'ʋ yɩ, ‑ɛ nu꞊o, nyibli, ‑ʋ ni la yɩnyre‑tɛblɩ, ti ‑hi la a ti 'yri, Nyɩsʋa 'nɩ ‑pʋʋ꞊ʋ la ꞊nʋ yrʋ lɛ, 'a ꞊wlʋ a 'lɩla a ‑tɩ. Kɛɛ, ‑tɛ ti nɛ ‑bʋ, ɛ tʋɛ ꞊nɛ nyibli nɩ, ‑ɛ mɔ, ɛ 'sii 'ʋ yɩ. 'A 'mumu, ɛ ‑hʋɛ bʋ nu dɛ ‑mʋ', ‑ɛ 'sii 'ʋ yɩ, 'tɩ‑ 'ɛ ‑hʋɛ bʋ 'sii 'ʋ nyibli ‑mʋ' yɩ, ‑ʋ kuo ‑Yusu 'Klɩsʋ ꞊wlʋ yɩ.

‑Ɛ ‑bɩ kɛ‑ ɛ nɩ 'mʋ, ‑kɔtɩ tete a 'ʋ꞊tuulɛ 'nɩ ‑nu꞊o lɩ꞊ɩ, nyiblo 'nɩ 'sii꞊e 'ʋ yɩ, 'kɩ 'ʋ Nyɩsʋa ye'. Kɛɛ, tete a ‑kʋan, ɛ nɔ‑ mɔ, bʋ ‑hɛɛ nɛ ‑a mʋ, ‑ɛ di꞊e nu, ‑a 'mʋ꞊ʋ yru, 'kɩ 'lɩ ‑aan ꞊wlɩ kɩ, ‑ɛ mɔ, ‑a 'wla ‑tɩ, 'kɩ 'ʋ Nyɩsʋa ye'.

‑Tɩ ‑bʋ, 'n hlɛ, ʋ 'crɩ la꞊a nɩ, 'kɩ 'lɩ Nyɩsʋacrɩɛn 'kwli. ‑Tɩ a 'mʋ, ɛ nɔ‑ ‑bʋ: «Nyiblo ꞊dʋ 'yɩ 'ʋ yɩ 'sii ‑nɩ, 'kɩ 'ʋ Nyɩsʋa ye'. Yruyru, ɛ 'yɩ nyiblo ꞊dʋ ‑kɔ, ‑ɛ 'sii 'ʋ yɩ. Ɛ 'yɩ nyiblo ‑kɔ, ‑ɛ yrui ‑tɩ a ‑tɛɛ lɛ, mɔ, ɛ 'yɩ nyiblo ꞊dʋ ‑kɔ ‑wɛ, ‑ɛ ꞊mʋɛ Nyɩsʋa lɛ. Nyibli a pɛpɛ bibi kɩ, 'ʋ hie 'ʋ Nyɩsʋa a 'hru bʋ, 'ʋ 'wan. Yruyru, ɛ 'yɩ nyiblo ꞊dʋ ‑kɔ ‑wɛ, ‑ɛ ni ꞊haandɛ.

‑ɛ nu꞊o, ‑a yi꞊e nɩ, ‑ɛ mɔ, Nyɩsʋa yɩ 'sii 'ʋ nyibli ‑mʋ' yɩ, ‑ʋ kuo ‑Yusu 'Klɩsʋ ꞊wlʋ yɩ. Ɛ 'yɩ nyibli ‑mʋ' 'pa‑, ‑ʋ ꞊tui 'ʋ Moise a tete 'ʋ, ɛ 'nɩ 'sii꞊e 'ʋ ꞊nʋ yɩ.

Mɔ, 'ye ꞊bɩɩ nyibli a pɛpɛ bʋ mɔ hɩlɛkɔnyibli, Nyɩsʋa, 'a ‑nɛ ti, ‑tɩ, ɛ hlɛ, ɛ ni꞊e nɩ. Ɛ nɔ‑ ʋ 'crɩɩ la 'lɩ Nyɩsʋacrɩɛn 'kwli, ‑ɛ mɔ: «Nyɩsʋa o, 'bʋ mɔ, ꞊nɩ yɩ nɩ hle, nyibli a pɛpɛ kɔ bʋ yru꞊o, ‑ɛ mɔ, ‑hlɛ ‑tɩ a ‑tɛɛ. ‑Kɔ nyiblo 'hʋɛn‑, 'ba yɩ ‑tɩ nɩ hlɛ, ‑di kɔ 'ʋ ꞊wɔn.»