Popular Bible Verses from Доладалар 49

Share

Паччахьан дарж ЯхӀудах дер дац, цуьнан тӀаьхьенан карахь гуттар а хир ю олалла гойтуш йолу гӀаж, иза Шилун-гӀала дӀакхаччалц а, халкъаш цунна муьтӀахь хиллалц а.

Юсуп хьостана уллохь йоллучу, дуккха а стом лучу кемсийн таьллангах тера ву. Цу таьлланган генаш пенна тӀехула хьаладоьлхуш ду. Дерачу оьгӀазаллица пхерчий а кхуьссуш, мостагӀий летара цунах.

Амма цуьнан Ӏад чӀогӀа ду, цуьнан куьйгаш онда а, говза а ду. Цунна ницкъ белла Якъубан Нуьцкъалчо, Исраилан Ӏуьно а, Тархо а, хьуна гӀо деш волчу хьан ден Дала, хьо декъалвеш волчу Нуьцкъалчо. Лакхарчу Шен стигалшца а, лахарчу латтанашца а, кӀайн кхача лучу накхошца а, ховхачу кийранашца а декъалвойла хьо Нуьцкъалчу Дала.

ЯхӀуд, хьан вежарша хастор ву хьо, хьан куьг мостагӀийн яьӀнаш тӀехь хир ду. Хьан вежарий хьуна хьалха охьатаьӀар бу. Хьо къона лом ду, ЯхӀуд. Талла ваханчуьра вогӀу хьо, сан кӀант. СадаӀа лаьтта дижина лом санна ву хьо, мила ваьхьар ву хьуна новкъарло ян?

Раабан, хьо сан дуьххьарлераниг ву, сан ницкъ, сан боьршаллин дуьххьарлера стом, уггар сийлахьверг а, ницкъберг а. Амма, кхехкаш тӀехъоьху хи санна, сиха волу хьо кхин хир вац хьалхарниг, хӀунда аьлча, дӀа а вахана, хьайн да дӀавуьжу мотт сийсазбина ахь. Сан метта дӀавижна хьо.