Popular Bible Verses from Efɛzɛ̀n anmàn-bɔ̀ 5

Share

Ɔmuhi nyɛ́n dú ɛẅì hɔ̀n léyi Ɔwɔ kɛ cüɛ̀n nɔn, nyɛ́n hán kèkrèmɛ̀n nyɛ́n dù kɛ̀ hán nɛ́n hɔ́. Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́. Eci lɔ fɛn mɛ̀n lɔ, nyɛ́n hán eci anvrɛnvrɛn, ɔmuhi ɛnbì hɔ̀n léyi bɔ̀ dú ɛmɛ̀n nɔn krɛfɔn.

Nyɛ́n bɩ́ kɔ́n ɛntàn: ɛntàn-kɔ̀n kɛ lɛ jrɛ́ ny'ɛwúvà lɔ; tɛ́n Ɛnhɛ́n Prɔnprɔn kè yɩ́ nyɛ̀n ɛmɛ̀n. Nyɛ́n yɩ́ ny'edomɛ̀n edù Ɔwɔ mrɛ́n mán Ɔwɔ ci-zrɔ cɔ̀ prɔnprɔn léyi Ɛnhɛ́n Prɔnprɔn kɛ wá nyɛ̀n ɛnbɔrɛ mɛ̀n nɔn, n'ɛkrɛmɛ̀n; nyɛ́n krɛ́ ɛcɔ̀, ô nyɛ́n mrɛ́n Ɛẅɛnwrɔn ny'ɛnbɔrɛ mumù lɔ fɛn mɛ̀n. Nyɛ́n tán Ɔwɔ Zi ɔkùɛn ɛnvra lɔ fɛn mán eci lɔ fɛn mɛ̀n, bɔ́ Ɛẅɛnwrɔn Zhezü Krisì bɩmɛ̀n.

Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Wúcɔ̀, nyɛ́n cüɛ́n nyɛ́n hi hɔ̀n hán ɔmu le Krisì cüɛn Ɔwɔ-fɛcüè hàn mán bɩ́ n'ɛwúvà lɔ tán nɛ̀n nɔn.

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú

Nyɛ́n sɩ́ ny'edomɛ̀n ɛnhi nyɛ́n tán ny'edomɛ̀n, Krisì wá léyi nyɛ́n ẅɛ̀n nɔn hɩ kruhú.

Wúyɔ̀, nyɛ́n sɩ́ ny'edomɛ̀n ɛnhi nyɛ́n tán nyɛ́n cüì hɔ̀n, hán ɔmu le nyɛ hán Ɛẅɛnwrɔn tɛ̀sɛ̀n nɔn.

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Hán ɔmu le ye merɛ́n nɔn: “Hɩ le kruhú de ɛncɔnwrɔn ke le teze nɛ́n zi mán nɛ́n muan, ô nɛ̀n hɔ̀n cɔ́ nɛ́n hi, kɩ yɔ, anwrɔn anhyrɛ̀ lɔ, yɔ lɛ srɔ eci zri.”

Nyɛ́n bɩ́ ẅɛn eci zriɛmɛ́n ke dú eci-hán-ci woro hɔ̀n léyi yɛ hán ɛyri-yɔwɔ mɛ̀n nɔn; nyɛ́n sɩ́ yɔ ɛntrɛ kpràkprà.