Popular Bible Verses from Efɛzɛ̀n anmàn-bɔ̀ 4

Share

Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.

Nyɛ́n dú ɛnvra lɔ fɛn edomɛ̀n ɛnhi-sɩemɛ̀n, nyɛ́n ẅɛn ɛnbɔrɛ-wɔ̀ mán ɛnbɔrɛ-ẅɛ̀n-hɛ́n. Nyɛ́n shri ny'edomɛ̀n nyɛ́n bɩ́ ɛcüɛn mɛ̀n.

Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn.

Nyɛ́n wrɔ́ esù she ny'ɛtɛ̀sɛ̀n, ankà-tro drɔ lɔ fɛn, edòmɛ̀n-wú-ci lɔ fɛn, ɛmɛ̀nhyì-bɩ lɔ fɛn, bobo-dì mán ɔwɔra hɔ̀n lɔ fɛn. Nyɛ́n cɔhɔ́ anbɔrɛ-ci-hán mɛ̀ntɛ mɛ̀ntɛ lɔ fɛn mɛ̀n.

Ke dú kɛ nye bɩ́ ɛmɛ̀nhyì hô, nyɛ́n bɩ́ hán ɛgbàn; ny'ɛmɛ̀nhyì-bɩ̀ lɔ kɛ̀ vá ɛnhi yakɛ́ ɛnbri kè bore. Nyɛ́n bɩ́ tán anwa-wrɔn ɛkɔrɛ̀-levri kɛ ká nyɔn nyɛ̀n ɛwúɛ.

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn. Ke ji le nyɛ́n teze ny'edomɛ̀n kokroho yɛ crɔn nyɛ̀n owrù, ɛnbɔrɛ mɛ̀n mán ɛnhɛ́n mɛ̀n. Nyɛ́n cɔ́ ɛwúvà wrù ceci léyi yɛ hán cá Ɔwɔ picɛ̀, hɩ ke yé n'edomɛ̀n ɛnyrɔnnan mán prɔnprɔn wúvà mɛ̀n, ɛwúvà léyi dú annanwɔrɛ ci nɔn.

Nyɛ́n hán kèkrèmɛ̀n nyɛ́n ẅɛn ɔbɔ̀sɔ̀ léyi Ɛnhɛ́n Prɔnprɔn tán nyɛ̀n anwɔwɔ mɛ̀n, hɩ kɛ bɔsɔ́ nyɛ̀n eci zriemɛ̀n nɔn.

Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀. Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn. Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn. Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n.