Popular Bible Verses from Efɛzɛ̀n anmàn-bɔ̀ 6

Share

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn

Nyɛ́n bɩ kè dú ny'edomɛ̀n anhà-kɔ́n-ci hɔ̀n lɔ fɛn léyi Ɔwɔ kɛ tán nɔn, ô nyɛ́n nyɔn ɛshishiemɛ̀n anwa-wrɔn frɛ́n hɔ̀n lɔ fɛn zìwú.

Hɩ le kruhú de zɛtɛ lɔ, ke ji le nyɛ́n bɩ́ Ɔwɔ anhà-kɔ́n-ci hɔ̀n lɔ fɛn! Ɔmu lɔ de, ɛnvra léyi ɛnbì gbàngbàn lɔ kɛ lɛ và nɔn, nyɛ lɛ kɛ́n egbri-wrɔn lɔ ezì, kɩ anhà-kɔ̀n trɔ mɛ̀n lɔ, nye le vru nyɛ́n nyɔn ɛshishiemɛ̀n.

Ɛnvra lɔ fɛn, nyɛ́n bɩ́ ankaẅì-bùtan kè dú nyɛ́n *anhà-kɔ́n-lɛ̀biɛ: nɛ lɛ hán nyɛ̀n nyɛ́n zɛ́n Anwa-wrɔn lɛbɛ́n-hyà lɔ. Nyɛ́n bɩ́ ɛnkrukɔrɛ̀ kè dú ny'ɛnkplo, ô Ɔwɔ mùan-ankà kè dú ny'anhà-kɔ́n-nyan she léyi Ɛnhɛ́n Prɔnprɔn tán nɔn.

Nyɛ́n krɔn kpehɛ́n nyɛ́n nyɔn: annanwɔrɛ kè dú nyɛ́n pɛtɛ̀n nyɛ́n nyɔn ɛwùe; ɛnnyrɔnnan kè dú nyɛ́n anhà-kɔ́n ceci; ny'edùyì, Ɛmɛẅi ankà Ankrànkràn dɔ̀, kè dú ny'annanwrú.

Ɔtrɔmɛ̀n lɔ, nyɛ́n bɩ́ ecüì nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, n'ɛkɔrɛ̀srɔn vri lɔ mɛ̀n.

“Ɛ̀ wá e zi mán ɔmuan” dú ɛnvrakpà nyànmàn léyi ɔmùan-wá dú ɛmɛ̀n nɔn: “Ô è dú ɛnbɔrɛ-bruemɛ̀n, ô ɛwúvà kɛ̀ gbɔ́ mɛ́n ɛnhibù wú.”

Ɛẅì hɔ̀n, Ɛẅɛnwrɔn zìwú lɔ, ny'eci-hán dú hɩ le, ke ji le nyɛ́n wá ny'ɛmɛ̀n mɛ̀n bɔ̀, ɔmuhi ndɔ lɔ dú ɛnyrɔnnan-ci-hán nɔn.