1
रोमी 3:23-24
नेवाः बाइबल
NEW
सकसिनं पाप याःगु दु, उकिं इपिं परमेश्वरया महिमां तापाय् धुंकल। अय्नं परमेश्वर दयादुम्ह जूगुलिं वय्कलं ख्रीष्टयात छ्वयाहयाः झीत सितिकं धर्मी यानादिल।
Compare
Explore रोमी 3:23-24
2
रोमी 3:22
येशू ख्रीष्टयात विश्वास याक्वसित परमेश्वरं धर्मी ठहरय् यानादी, छाय्धाःसा वय्कलं यहूदी व यहूदीमखुपिं धकाः पाकादी मखु।
Explore रोमी 3:22
3
रोमी 3:25-26
परमेश्वरं येशू ख्रीष्टयात प्रायश्चितया बलिदान याकाः वय्कःयागु हिं वय्कःयात विश्वास याक्वसिगु पाप क्षमा यानादिल। वय्कलं न्हापा न्हापायापिं मनूतय्गु पापया सजाँय मब्यूसे सह यानादिल। वय्कः ख्वाः स्वयाः न्याय यानामदीम्ह परमेश्वर खः धकाः क्यनेत व येशूयात विश्वास याक्वसित धर्मी ठहरय् यानादी धकाः क्यनेत वय्कलं थथे यानादीगु खः।
Explore रोमी 3:25-26
4
रोमी 3:20
व्यवस्थाय् च्वयातःगु नियम पालन यानाः सुं हे मनू धर्मी जुइ फइ मखु। व्यवस्थां ला पाप छु खः धकाः क्यनाबी।
Explore रोमी 3:20
5
रोमी 3:10-12
धर्मशास्त्रय् नं थथे च्वयातःगु दु – “सुं हे धर्मी मदु, अहं, छम्ह हे मदु। परमेश्वरयात सुनानं मथू, वय्कःयात मालाजुइपिं सुं हे मदु। इपिं मखुगु लँय् वने धुंकल, इपिं स्यनावने धुंकल। भिंगु याइपिं छम्ह हे मदये धुंकल।
Explore रोमी 3:10-12
6
रोमी 3:28
व्यवस्था मानय् मयासें हे ख्रीष्टयात विश्वास याःम्ह मनूयात परमेश्वरं धर्मी ठहरय् यानादी।
Explore रोमी 3:28
7
रोमी 3:4
गुबलें नं जुइ फइ मखु। फुक्क मनूत फताहा जूसां परमेश्वर सत्यम्ह हे जुयादी धकाः थथे धर्मशास्त्रय् नं च्वयातःगु दु – “छिं जिगु न्याय यानादीगु पाय्छि जू अले जितः दोषी ठहरय् यानादीगु पाय्छि ताय्के।”
Explore रोमी 3:4