Popular Bible Verses from Breddichah 5

Share

Sei nett kshvind mitt deim maul, un aw nett mitt deim hatz, fa ennich ebbes sawwa fannich Gott. Gott is im himmel un du bisht uf di eaht, so loss dei vadda vennich sei.

Un aw dess, vann Gott en mann reich macht mitt feel shtoft, un lost een essa un drinka difunn un frayt havva in sei eahvet—dess is en kshenk funn Gott.

Veah-evvah es geld gleicht, hott nee nett genunk; veah-evvah es reich sei vill, vatt nee nett genunk betzawld. Dess hott aw kenn mayning.

Gebb acht vann du an's haus funn Gott gaysht. Es is bessah fa gay un abheicha es vi fa dummi opfahra macha, so vi leit es nett vissa es si am letz du sinn.

Vann du ebbes fashprechsht zu Gott, du's nett ab fa's ausfiahra. Dummi leit sinn eem nett kfellich; gay un du vass du fashprocha hosht.

'Sis bessah fa nix fashprecha es vi fa's nett ausdrawwa.

Da shlohf is sees zu sellem es hatt shaft, eb eah bissel adda feel est, avvah's feel sach es da reich mann hott alawbt eem kenn shlohf.

En mann kumd nakkich funn sei muddahs-leib, un vi eah kumd, so gayt eah viddah. Eah nemd nix mitt sich fa sei eahvet, nix es eah drawwa kann in sei hand.