Popular Bible Verses from Romans 14

Share

Bikaaz, fi bii paat a God Kingdom no gat notn fi du wid demde tingz weh wi iit or demde tingz weh wi jrink. God Kingdom dah bout how wi fi liv striet ahn iina piis wid evrybady, ahn bout di jai weh di Holy Spirit put iina fi wi haat. Di wan weh deh sorv Christ iina dis wie deh mek God pliiz wid im, ahn di pipl dem gwain laik weh ihn du tu.

Bikaaz wail wi deh liv, wi shuda pliiz di Laad. Ahn wen wi ded, wi gwain go bii wid di Laad. So den, weda wi liv or weda wi ded, wi dah fi di Laad.

So den, wi fi trai evry taim fi du demde tingz weh gwain bring piis, ahn weh gwain help wi mek wan anada fiet get muo stranga, no chruut?

Main, bredrin, wi no fi joj wan anada no muo. Insida dat, wi shuda mek'op wi main seh wi no gwain du notn weh gwain mek wi breda or wi sista stombl or faal iina sin.

Dis dah weh rait dong iina di Skriptyo: “Di Laad seh, ‘Az shuor az Ai liv, evrybady gwain niil dong ahn waaship mii, Ahn evrybady gwain seh wid dehn uon mout seh mii dah God.’ ” So den, evry wan a wi gwain hafy gi akount tu God fi weh wi wehn du iina disya worl!

Bredrin, unu shuda aksep demde pipl weh stil yet wiik iina dehn fiet. Ahn no aagyo wid non a dem bout weh dehn tink rait fi dehn du.

So, dah huu unu fi joj sombady els sorvant? Dah di Wan weh di sorvant deh work fah, weh gwain tel im if ihn deh du gud or nat. Ahn di sorvant gwain win, bikaaz dah di Laad ihnself gwain mek shuor seh ihn deh du weh rait.