Popular Bible Verses from Romans 15

Share

So den, bredrin, Ai prie seh God, weh gi wi huop, gwain mek unu ful'op wid jai ahn piis wail unu chros iina him. Den, di powa a di Holy Spirit gwain mek unu luk muo ahn muo ahed tu weh God gwain du.

Memba seh: evryting weh wehn rait dong iina di Skriptyo fahn lang taim abak wehn rait dong fi tiich wi tudeh, so wi gwain kyan luk ahed wid pieshens tu weh gwain kom, sieka di huop weh di Skriptyo gi wi.

So den, mek God —di Wan weh inkorij wi ahn gi wi plenty pieshens fahn di fos— mek aala unu iebl fi grii wid wan anada ahn liv iina piis, wail unu deh fala Christ Jesus. Den, wid wan haat aala unu tugeda gwain kyan priez God, di Faada a wi Laad Jesus Christ!

So, unu shuda aksep wan anada jos laik how Christ wehn aksep unu, so dat evrybady gwain kyan priez di Laad tugeda.

Evry wan a wi shuda tink bout wi breda ahn wi sista dem. Dat gwain help dem, ahn dehn gwain get stranga iina dehn fiet.