Popular Bible Verses from Romans 13

Share

Insida dat, wi fi mek di Laad Jesus bii az nier tu wi az di kluoz weh wi wier. Ahn wi no fi pie non main ataal tu aala demde bad tingz weh wi sinful haat tel wi fi du.

Ahn unu no fi huo nonbady notn ataal. Di ongl ting weh unu fi huo wan neks man, dah fi lov him! Bikaaz di pipl weh lov wan anada deh du aal weh God Laa seh dehn fi du.

Evry wan a unu fi du weh demde pipl weh deh ruul iina di govament tel unu fi du. Bikaaz non a dem no gat dehn atarity fi ruul eksep God gi dem di rait fi ruul. Di Laad ihnself dah di Wan weh put demde pipl deh.

Di nait aalmuos uova ahn die-lait suun kom, so mek wi stap du demde bad tingz weh di wikid pipl dem du iina daak. Ahn siem laik demde suoldya weh dres ahn pripier fi fait, mek wii bii redy fi fait iina di lait.

Bikaaz, wen unu lov unu nieba, unu no gwain du im notn bad. Wen unu lov dem, unu gwain du evryting weh di Laa seh unu fi du!

Unu niid fi pie evrybady weh unu huo. If dehn aks unu fi pie taks, unu hafy pie ih. Unu fi shuo rispek tu demde pipl ahn ana aala dem.