Popular Bible Verses from Okushuuruurirwa 9

Share

Abantu abaahonokireho bataitsirwe bibonaboneso ebyo, baayanga kweteisa ebi baakozire n'emikono yaabo, n'okurereera kuramya baadaimoni n'ebishushani by'ezaabu n'eby'efeeza n'eby'emiringa n'eby'amabaare n'eby'ebiti, ebitarikubaasa kureeba nari okuhurira, n'obu kwakuba okugyenda, kandi baayanga n'okweteisa obwitsi bwabo, oburogo bwabo, obushambani bwabo n'obushuma bwabo.

Kandi omu mwika ogwo haarugamu enzigye, zaija aha nsi, zaaheebwa obushoboorozi nka skorupio ez'omu nsi. Zaaragiirwa kutashiisha bunyaatsi bw'omu nsi, n'obu kyakuba ekintu kyona ekibisi, nari ekiti kyona, kureka abantu bonka abataine kamanyiso ka Ruhanga aha buso bwabo

Maraika owa kataano yaateera enzamba, naareba enyonyoozi egwire aha nsi okuruga omu iguru, maraika ogwo yaaheebwa ekishumuruzo ky'ekiina ekitaine bugarukiro

zaikirizibwa kubabonabonesa ameezi ataano, wkonka okutabaitira kimwe; kandi okusaasa kwazo kukaba kuri nk'okwa skorupio yaatonera omuntu.

kandi ziine omukama waazo maraika w'ekiina ekitaine bugarukiro, eiziina rye omu Ruheburaayo ni Abadooni, kandi n'omu Rugriika naayetwa Apolyoni.