Popular Bible Verses from Isaaya 41

Share

Otatiina, ahabw'okuba nkwine; Otahahaaza omutima, ahabw'okuba ndi Ruhanga waawe. Ndyakuha amaani, ndyakuhwera, Nkuramire n'omukono gwangye gawa buryo ogw'obusinguzi.

Ahabw'okuba nyowe, MUKAMA Ruhanga waawe, Ndyakukwata omukono gwa buryo, Nkugire nti: Otatiina, Naija kukuhwera.

Reeba, abakwiniire ekiniga boona Baryakwatwa enshoni, bashoberwe; Abo abarikukurwanisa Baryacweka busha, bahwerekyerere.

Iwe ou naayetsire nkaiha aha muheru gw'ensi, Kandi nkakwiha aha nshonda zaayo za har3e, Ninkugira nti: Ori omwiru wangye; Nkakutorana, tindakucwire.

Oryasherura abarikukuhakanisa, bakuburire; Kandi abarikukurwanisa baryacweka busha, babe nk'ebitariho.

Iwe munyongororwa 'we Yakobo, otatiina, Naimwe bantu ba Israeli 'mwe, Ndyabahwera, nikwo MUKAMA arikugamba. Omucunguzi waanyu niwe Orikwera wa Israeli.

Kwonka iwe, Israeli omwiru wangye, Yakobo ou naatooraine, Oruzaaro rwa Abrahamu munywani wangye

Ndyaigura emigyera aha bibungo by'emparamaata, N'enshuro ahagati y'empanga, Mpindure eihanga ekiyanja ky'amaizi, N'ensi ekarangataine ngihindure enshuro z'amaizi

Abooro n'abakyene ku barisherura amaizi, Gaababurira, orurimi rwabakarangatana, Nyowe, MUKAMA, ndyabagarukamu; Nyowe, Ruhanga wa Israeli, tindibahemukaho.

Owaakozire ekyo, akakihitsya, n'oha, Akeeta abantu, nk'oku obusingye bwabo bwabaire nibukuratana, Okwiha aha kutandika? Nyowe MUKAMA, ow'okubanza, Kandi ow'aha muheru. Niinye naakikozire.

Omu ihamba ndyabyaramu emyereezi, Eminyinya, emikadasi, n'emizeituuni; Kandi n'omu ihamba ry'omusheenyi ndyabyaramu emiberoohsi, Emikadasi n'emiteyashuuri, bikurire hamwe, Abantu babone kureeba, bamanye, Bateekateekye, beetegyereze hamwe, Ku omukono gwa MUKAMA nigwo gukikozire, Kandi Orikwera wa Israeli ku niwe yaakihangire.