Popular Bible Verses from Abaefeso 4

Share

Mukorerane gye, mugirirane embabazi, kandi musaasirane, nk'oku Ruhanga yaabasaasiire omuri Kristo.

mwebundaarize n'obucureezi bwona, nimwetwara, nimugumiriririzana omuri rukundo

Omu kanwa baanyu hatarirugamu ekigambo kyona ekibi; kureka mugambe ebirungi ebirikubaasa kukuza abantu ahu bishemereire kugambirwa, bibone kuhaisa abarikubihurira omugisha.

Obushaarizi bwona n'ekiniga n'okuguubwa kubi n'oruyombo n'okujumiirana, hamwe n'eihari ryona biihwe omuriimwe.

Mugire ekiniga, kwonka murekye kushiisha; eizooba rirekye kurenga mukikiine; murekye kuha Sitaane omwanya.

Ebyo nibibeegyesa aha by'emicwe yaanyu eya ira, ngu mujuure omuntu waanyu owa ira, orikujunzibwa okwetenga okurikuhabisa, muhindurwe basya omu mwoyo gw'obwengye bwanyu, mujware omuntu ondiijo omusya, owaahangirwe omu nshusha ya Ruhanga omu kuhikiirira n'okwera okw'amazima.

nimwezirika kurinda obumwe bw'Omwoyo, muteerainwe omurunga gw'obusingye.

Kandi akaha abamwe kuba entumwa, abandi baanabi, abandi ababuurizi b'engiri, abandi kuba abariisa n'abeegyesa, ngu abarikwera bateekateekyerwe omurimo gw'okuheereza, babone kwombeka omubiri gwa Kristo, okuhitsya obu twena turihika aha kugira obumwe bw'okwikiriza, n'okuhika aha kumanya Omwana wa Ruhanga, okuhitsya obu turiba abantu bakuru, tukahika aha bukuru obw'orugyero rwa Kristo oruhikire

ngu turekye kuguma turi abaana, nituza oku n'oku, nitutwarwa buri muyaga gw'enyegyesa n'oburyarya bw'abantu n'obugobya bwabo n'obwengye bwona bw'okutuhabisa. Kureka tugambe amazima omu kukunda, omuri byona tukurire omuri Yesu, niwe Mutwe