Popular Bible Verses from Omubuurizi 11

Share

Iwe mutsigazi 'we, shemerererwa obutsigazi bwawe, kandi omutima gwawe gugume gunanukye omu biro by'okunyeeta kwawe. Gyendera omu mihanda ei omutima gwawe gurikukunda, nk'oku amaisho gaawe garikureeba. Kwonka omanye ngu ahabw'ebyo byona Ruhanga aryakucwera orubanja.

N'ahabw'ekyo iha amaganya omu mutima gwawe, kandi omubiri gwawe ogutaanisa n'ebibi; ahabw'okuba obuto n'obutsigazi ni busha.

Ohanga amaisho omuyaga, tabiba; Kandi ogahanga ebicu, tagyesha.

Nk'oku otarikumanya muhanda gw'omuyaga, nari oku amagufa gakurira omu nda y'oine enda, nikwo otarikumanya murimo gwa Ruhanga okora byona.

Omu kasheeshe ogume obibe embibo, kandi n'omu mwabazyo orekye kugwisa omukono; ahabw'okuba torikumanya ekiryera, yaaba eki nari kiriya, nari shi yaaba byombi biriba birungi.

Ha abantu mushanju nari munaana omugabo; Ahabw'okuba torikumanya kabi akaribaho omu nsi.