Popular Bible Verses from Abafilipi 4

Share

Muteemereza omutima aha kintu kyona, kureka omuri byona mumanyise Ruhanga ebi murikwetenga omu kushaba n'okweshengyereza, kandi musiime.

Kandi obusingye bwa Ruhanga, oburengire okwetegyereza kw'omuntu weena, buryaguma burinde emitima yaanyu n'obwengye bwanyu omuri Kristo Yesu.

Eky'aha muheru, B'eishe-emwe, byona eby'amazima, byona ebishemereire kuheebwa ekitiinisa, byona eby'oburyo, byona ebishemeire, byona ebirikushemeza, byona ebirikusiimwa, ku haraabe hariho oburungi, ku haraabe hariho ebishemereire kuhimbisibwa, mube nibyo mwateekateekaho.

Nimbaasa kukora byona omuri Kristo ompa amaani.

Mushemererwe obutoosha omuri Mukama; kandi ningaruka kugira nti: Mugume mushemererwe.

Kandi Ruhanga wangye aryamara obukyene bwanyu bwona, nk'obutungi bw'ekitiinisa kye omuri Kristo Yesu oku buri.

Ebi muunyegyeireho, ebi mwahairwe, ebi mwampuriireho, n'ebi mwandeebireho, mube nibyo mwakora; obwo nibwo Ruhanga mukama w'obusingye ariguma naimwe.

Okworoberana kwanyu kumanywe abantu boona. Mukama waitu ari haihi.

Nimmanya okugarurwa ahansi, nimmanya n'okugira ebishaagire; omu kintu kyona n'omu miringo yoona nkeega oburyo bw'okumarwa, omu kwiguta n'omu njara, omu kugira ebishaagire kandi n'omu bworo.

Ekyo tindikukigambisibwa kwetenga; ahakuba nkeega kumarwa omu muringo gwona ogu mba ndimu.