Popular Bible Verses from ARoma 4

Share

Naari ndo kaanganyedhe, naari kaahiyile ororomela yoororomeliha ya Mulugu, mbwenye oomuthithimiha Mulugu, okala ooliba munroromeloni naaye. Oliye ahikanna ebaribari wi Mulugu onowaanda wiirana dhedho dhiroromelihiiye.

Dhili wona muwogele Mulugu ni Abarahamu mMalebani Ootaleleya, eera: <<Guhuuthoma wi okale baabi a malogo majinji>>. Oliye dineeriwa babiihu ni Mulugu oyene Abarahamu amuroromeliiye, onawelihedha egumi wa anookwa teto onakalihawo dhego dhihiliwo.

Yesu oyo ahipelekiwa wi apiwe olivela dhooviriganiha dheehu teto ahivenyihiwa muukwani wi niiriwege owogoowa ni Mulugu.

Naari wahaaliwoove mwaha woojejihedha, Abarahamu ahiroromela yoororomeliha ele. Mowindo ahisadduwa okala baabi a malogo majinji, mooligana mwamwaaddelele Mulugu, eera: <<Anamabaliwelamo aawo enaakale ajinji wona ttendderi>>.

Mwahaya buuyene wi yoororomeliha ya Mulugu enavahiwiiwa mwa nroromelo wi yoororomeliha eyo ekale mvahi wa mahala wi ekale yowaalibihana anamabaliwelamo aatene a Abarahamu, alene enahara Malamulo a Mozezi teto ale yinna nroromelo nanna Abarahamu. Oliye di baabi a hiyo aatene.

<<Ooreelihiwa baale dhabure dheewa dhileveleliwe, ayene dhoothega dheewa dhithimihiwe. Dooreelihiwa muthu oyene Nabwiya ohunamweelengeliiye dhoothega dhaaye>>.

Ki Maleba yiire avi? Yiire: <<Abarahamu ahimuroromela Mulugu, voomuroromela, Mulugu ahimwiira owogoowa>>.