Popular Bible Verses from ARoma 5

Share

Mbwenye Mulugu ohooniha odhivela waaye ni hiyo mwa mukalelo ola: Kirixtu ohunikwela naari nigalive anamathega.

Ojejihedha wula kunanikaliha manyazo, vowi Mulugu ohudhaaliha mmirimani mweehu ni odhivela waaye odheela Muneba Woweela onivahiliiye.

Vano kahuwo eyeneve, eehi, nnohagalala mugoyini mweehu, vowi nnonona wi goyi enosuuziha ovilela, ovilelawo onodhiiha otthettheeliwa teto otthettheeliwa wula onodhiiha ojejihedha.

Vowi odheela mwa nroromelo nnowiiriwa owogoowa ni Mulugu, nihikanna murenddele ni Mulugu odheela mwa Yesu Kirixtu Nabwiya eehu. Oliye dinifugulele dila wi voororomela naakele mahala Mulugu enanivahiiye, mukaraatiliihu dhiinova. Mowindo nnogayela moojejiha nthithimiho na Mulugu.

Mwa mudhidhi olene hiyo vaaliihu oolodhowa Kirixtu ohaakwela athu oohumuriiha Mulugu.

Akala mwaha wa mwazi wa okwa waaye nihiiriwa owogoowa ni Mulugu, mowindo siibaribareene wi omamalelo wa elabo, Kirixtu onoodha anivulumuse mwa owali wa Mulugu.

Vowi mwaha wohiiwelela wa mulobwana mmohi athu ajinji yahisadduwa okala anamathega, emodha-modhave mwaha wowiiwelela wa mulobwana mmohi, ajinji eneere wiiriwa owogoowa.

Kahuwo dhedhove teto nnogaya mwa Mulugu odheela mwa Nabwiya eehu Yesu Kirixtu, oyene onaandanihile dhiinova ni Mulugu.