Popular Bible Verses from Wambeela 50

Share

Nyo mwafuna ogiirela yootakala, mbwenye Mulugu afunile wiira yapama wi aavulumuse athu ajinjeene wona vinooneliihu peeno.

Zhuuze ahaakulaga, wiira: <<Kamoove naariwene. Miyo gili vamburoni va Mulugu?

Ndala kamoove. Miyo gineerege wuukameelani ni aniinyu>>. Mowindala Zhuuze onowaalibiha mirima addibile, awogaga ni waabebeedha.

nuwaaddeleni, wiira: <Ginowuulobani wi mwaalevelele addibilinyu yootakala yeeriligiisuna yahuuthegelani>. Ninowuulobani wi mukurumuwele yoothega yeehu. Nili anamalaba a Mulugu a babiinyu>>. Vaakeligiiye muselu olena Zhuuze ahunddaga.

Nlabo nimohi Zhuuze ahiwogaga ni addibile, wiira: <<Miyo ginookwa. Mbwenye Mulugu oneere wuukamihedhani ebaribareene, oovenyihemoni mwiilaboni mu wi mudhowe elabo eyene yalibeleliiye waavaha makolo eehu, Abarahamu, Ezaaki ni Yakobo>>.

Ndala Zhuuze ahaalibelihaga aEzarayeli, wiira: <<Ebaribareene Mulugu ookamihedhani, mwaadhowaga, muthukule makuva aaga>>.

Zhuuze akwile aganna yaaka zana ni yaaka kumi (110). Mwiili waaye yahidholihaga murombwe, oheliwa mbawuloni.