Popular Bible Verses from Wambeela 49

Share

Zhuda kadha aakiwa omwene waaye naari mukogodho waaye onalamuligiiyena, ofiyedha odha omwene oyene oli waaye-waaye, oyene malogo eneriisu emwiiwelelege.

Zhuuze oli wona muthanko woovaha, seresere ya ceela, mijindda dhiwa dhinarabela siri. Amwiiddani aaye enoomukudduwela mwa owali, emwiigaraga ni matthere eewa.

Mbwenye Mulugu oowodha a Yakobo onoodha amukamihedhe. Oyene oli Makambuzi a mabila, Mwaango wa Ezarayeli onowongoolela orwa waaye, aaguvihaga moono dhaaye. Mulugu a ababa ookamihedhe, Mulugu oowodha-wodha ooreelihe, ooreelihe ni muzongwe a odhulu, ooreelihe ni aneedduuddu a vati, ooreelihe ni ahima ajinji ni dhifuwo dhijinji.

Zhuda, weevo onoodha othithimihiwe ni addibilo, enoodha ekokorege vameentoni vaawo. Onoodha waahidde amwiiddani aawo mukohi. Weevo oli poddogoma mung'onong'ono, mwaanaga Zhuda, onawela omasayelo agamwihiddile mwaneenyama, onokokora vati eedhogolaga wona poddogoma mulubale. Onaamulige oliye baani?

Rubeni, we oli mwaanaga owambeela, we oli kopolo dhaaga, yoovaha yowambeela ya ezombwe yaaga, wambeela wa nthithimiho ni mwa kopolo. Mbwenye kudha okala owambeela mwa addibilo, vowi oli ookapudha wona nipweru. Ohugona ni mwadha ababo, ohutala olili waaga.