Popular Bible Verses from Sikavimos 8

Share

Kana puterdias e eftato pečata, sas ande o čeri jekh ašiaimos pašte jekh dopaš časo.

O mai angluno bašavelas ande e tuturiaza. Ai sas babitsa ai jag hamime ratesa kai sas šiudine pe e phuv; ai pašte dopaš e phuv phabulias; ai pašte dopaš le kopačia phabulias, ai sa e čar e zeleno phabulias.

Me dikhavas, ai me ašundem jekh ulio kai vurialas maškar o čeri, phenel pe jekhe zurale hangosa: Nasul, nasul, nasul le narodoske pe e phuv, pala le kaver bašimata katar le tuturiazi katar le trin andželi kai si te bašaven!

O duito andželo bašavelas e tuturiaza. Ai vareso sar jekh bari plai phabarde sas šiudin ande e maria; ai pašte dopaš e maria kerdilias rat

O trito andželo bašavelas ande e tuturiaza. Ai perel anda o čeri jekh bari čeřai phabardi sar jekh fladero; ai voi peli pe pašte dopaš le paia ai le xainga katar xuten le paia. O anav kudala čeřaiako si Absint; ai pašte dopaš le paia avile kerke, ai but manuš mule katar le paia, ke von aresle kerke.

O štarto andželo bašavelas ande e tuturiaza. Ai pašte dopaš o kham sas malado, ai pašte dopaš o šiunuto, ai jekh pašte dopaš le čeřaia, eta ke pašte dopaš areslo tuniariko, ai ke o dies te xasarel pašte dopaš peski vedaria, ai e riat sa jekh fialo.