Popular Bible Verses from Sikavimos 9

Share

Le kaver manuš kai nas mudarde katar kudala dukha či keisaile katar penge butia anda penge vast, kadia te na kamen le demonon, ai le vobrazi sunakune, rupune, abčineske, bařeske ai kašteske, kai naštin či te dikhen, či t'ašunen, či te phiren; ai te na keina pe anda penge merimata, či katar penge drabarimata, či katar pengi kurvetsia či katar penge čorimata.

Anda o thuv ankliste avri grastoře, kai gele pe sa e phuv; ai sas lenge dino jekh putiaria sar e putiaria kai si len le skorpionki pe e phuv. Sas lenge phendo te na keren nasul la čarake pe e phuv, či ka či jekh zelenimos, či ka či jekh kopači, numa ferdi le manušenge kai nai le e pečata pe o čikat.

O panžto andželo bašavelas ande e tuturiaza. Ai me dikhlem jekh čeřai kai perelas anda o čeri pe e phuv. E kjeia la xaingaki anda e hunia sas lake dini

Sas lenge dino, na te mudaren len, numa te hamim pe lende panž šion; ai o hamimos kai avela pe lende t'avel sar o hamimos katar e skorpionka, kana pusavel jekhe manušes.

Sas pe lende sar amperato o andželo katar e hunia, bušolas židovitsko Abaddon, ai Grekitsko Apolion.