Popular Bible Verses from Sikavimos 7

Share

Pala kudia, me dikhavas, ai eta, sas baro narodo, kai khonik naštila te gjinen le, anda sako them, anda sako kumpania, anda sako narodo, ai anda sako šib. Von ninkerenas pe angla o skamin amperatisko ai angla o Bakrořo, uriade ande řoti le parne, ai patria palmoske ande lenge vast.

Ai von tsipinas jekhe zurale hangosa phenenas: O skipimos si amare Devlesko kai bešel pe o skamin amperatisko, ai le Bakrořesko.

Ke o Bakrořo kai si maškar o skamin amperatisko pravarela len ai ningerela len kai vulel o pai le traiosko, ai o Del khosela sako asvin pa lenge jakha.

Sa anda kudia ke von si angla o skamin amperatisko le Devlesko, ai služin les diese ai riate ande lesko templo. Kudo kai bešel pe o skamin amperatisko thola peski tseřa pe lenge; von či mai avena bokhale, von či mai avena trušale, ai o kham či malavela len, či jekh tatimos.

Na keren nasul la phuviake, či la mariake, či le kopačenge, žikin či ame thasa e pečata pe o čikat le slugengo katar amaro Del. Ai me ašundem sode sas kudala kai sas pe lende thodini e pečata, jekh šel ai štar-var-deš ai štar mii, anda sako kumpania katar le šiave anda o Israel