Popular Bible Verses from Sikavimos 6

Share

Me dikhavas, ai eta, sikadilo jekh grast galbeno. Kudo kai bešel opre bušol e martia ai avel pala late o Than le mulengo. E putiaria sas leske dini pe jekh firtari la phuviako, te mudarel le manušen katar e xanřo, katar e bokh, katar o merimos, ai katar le žigeni sirbati la phuviake.

Me dikhavas, ai eta, sikadilo jekh grast parno. Kudo kai bešel opre sas les jekh sulitsa; jekh kurona sas leske dini, ai vo gelo-tar sar jekh niritari te niril.

Kana puterdias o panžto pečata, me dikhlem tela o altari le duxuri kudalenge kai sas mudarde pala e vorba le Devleski ai pala e marturia kai von dine čačimasa.

Von tsipinas jekhe zurale hangosa, phenenas: Ži kana, Birevo svinto ai čačo, mai ažiukeres tu te des pe e kris, ai te des strafo o narodo la phuviako ke mudarde amen? Jekh řotia parni sas dini sakones anda lende; ai sas lenge phendo te hodinin tsiřa vramia, žikin či getol sode si katar le but vortača kai služin ai lenge phral kai trubun t'aven mudarde sar lende.

Ai anklisto jekh kaver grast, lolo. Kudo kai bešel opre lias e putiaria te lel e patia pa e phuv, eta ke te le manuš te šinen pe jekh avres; ai jekh bari xanřo dine les.

ke o baro dies leska xoliaki avilo, ai kon šai ninkerel?

Me dikhavas, kana puterdias e šovto pečata; ai sas jekh baro isdraimos la phuviako, o kham areslo kalo sar jekh gono kiltsako, o šiunuto sa intrego areslo sar o rat, ai le čeřaia anda o čeri perenas pe e phuv, sar kana jekh kopači figengi miškiardi katar e balval šiudel peske figi nai pake pe e phuv.

Kana puterdias e trito pečata, me ašundem o trito živindo kai phenelas: Aidi. Me dikhavas, ai eta, sikadilo jekh grast kalo. Kudo kai bešel opre ninkerelas jekh kintari ande o vast. Ai me ašundem maškar le štar živinde jekh hango kai phenelas: Jekh kilo dživ pe jekh dinaro, ai trin mezuri orzo pe jekh dinaro; numa na amin tume ka o vuloi ai ka e mol.

O čeri žial-tar sar jekh lil kai kjiden les; ai sa le plaia ai inzuli miškisarde le pa lengo than. Le amperatsi la phuviake, le bare, le birevia ketanesko, le barvale, le zurale, sa le řoburi ai le manuš slobodo garadionas ande le kaverni ai ande le stanki le plaienge.