Popular Bible Verses from Sikavimos 13

Share

Kathe si e godji. Ke kudo kai si godiaver te gjinel sode si o numero la žiganiako ke si o numero le manušesko, ai lesko numero si šov šela ai šov-var-deš ai šov.

Ai sa o narodo pe e phuv kamenas la, kudala kai lengo anav nas ramome dekin si e lumia ande e kliška le traioski katar o Bakrořo kai sas šinado.

Ai voi kerdias ke sa, tsinoře ai bare, barvale vai čoře, slobodo vai řobo, te len jekh pečata pe pengo vast o čačo vai pe pengo čikat, ai ke khonik naštil te kjinel či te bikjinel, bi t'avel les e pečata, anda o anav la žiganiako vai o numero lake anavesko.

Te si varekon ke trubul te ninkeren les phanglo, vo žiala phanglo; te si varekon ke trubal te mudarel les la xanřesa, vo avela mudardo la xanřesa. Kathe trubal o ninkerimos ai o patiamos le svintsonge.

Porme me dikhlem ke anklel anda e maria jekh žigania kai sas la deš šinga ai efta šere, ai pe leske šinga deš kuronitsi ai pe leske šere anava vuřitsimaske.

Ai sas lake dini e putiaria te kerel marimos pe le svintsi, ai te niril len. Ai sas lake din e putiaria pe sako kumpania, pe sako narodo, pe sako šib, ai pe sako them.

Ai voi diliarelas sa o narodo la phuviako katar le čudeni kai sas lake dine te kerel angla e žigania, ai phenelas le narodoske pe e phuv te keren jekh stato la žigeniako kai sas la e řana la xanřeski ai kai trailas. Ai sas lake dine e putiaria te miškil o stato la žiganiako, eta ke o stato le žiganiako te del duma, ai voi kerel ke sa kudala kai či kamena o stato la žiganiako t'aven mudarde.

E žigania kai me dikhlem sas jekh fialo sar jekh leopardo; lake punře sas sar kudala le rišeske, ai lesko mui sar o mui le lionosko. O šerkano dias la peski zor, ai pesko skamin amperatisko, ai jekh bari putiaria.

Ai sas lake dino jekh mui kai phenel vorbi barimatange ai prasaimaske; ai sas lake dini e putiaria te kerel so voi kamel štar-var-deš ai dui šion.

Ai me dikhlem ke jekh anda leske šere sas merimasko; numa leski řana sastili. Ai sa e lumia sas late šodo anda e žigania.

Porme me dikhlem ke anklel anda e phuv jekh kaver žigania, kai sas les dui šinga jekh fialo sar le bakrořeske, ai kai delas duma sar jekh šerkano. Voi lias sa e putiaria katar e mai angluno angla late, ai voi kerelas ke sa e phuv ai lako narodo kamen e mai angluno žigania, kai laki řana merimaski sastili.