Popular Bible Verses from Sikavimos 14

Share

Ai me ašundem anda o čeri jekh hango kai phenelas: Ramosar: Veseli de akanara le mule kai meren ande o Baro! Ei, phenel o Duxo eta te hodinin ande penge butia, ke lenge butia žian pala lende.

Kathe trubul o ninkerimos le svintsongo, kai garaven le poronki le Devleske ai patian ande o Jesus.

Vo phenelas jekhe zurale hangosa: Daran katar o Del, ai den les vestimos, ke o časo leska krisako avilo; ai kamen kudales kai kerdias o čeri, ai e phuv, ai e maria, ai le xainga katar xutel o pai.

Ai jekh kaver, jekh trito andželo, žialas palal, phenelas jekhe zurale hangosa: Te si varekon ke kamel la žigania ai lako stato, ai lel jekh pečata pe pesko čikat vai pe pesko vast, vo pela, vi vo, anda e mol la xoliaki katar o Del, thodini bi-hamime ande o taxtai leska xoliako, ai vo avela mardo ande e jag ai ande o sulfuro, angla le svintsi andželi ai angla o Bakrořo. Ai o thuv kai lenge kjinuimasko uštel pe sakda; ai len či avela hodina či diese či riate, kudala kai kamen la žigania ai lako stato, ai kon-godi lel e pečata katar lako anav.

Me dikhavas, ai eta, o Bakrořo ninkerelas-pe pe o plai o Sion, ai lesa jekh šel ai štar-var-deš ai štar mii žene, kai sas len lako anav ai o anav lake Dadesko ramome pe le čikata.

Me dikhlem jekhe kaver andželos kai vurialas pa o maškar le čeresko, sas les jekh Laši Viasta pe sakda, te phenel la ka o narodo la phuviako, ka sako them, ka sako kumpania, ka sako šib, ai ka sako narodo.

Ai jekh kaver, jekh duito andželo žialas palal, phenelas: Voi peli tele, voi peli tele, e Babilon e bari, kai pravarelas sa le thema anda e mol la xoliaki katar peski kurvetsia!