Popular Bible Verses from Sikavimos 12

Share

Von nirisarde pala o rat la Bakrořesko, ai nais le čačimaske ke sas phendo, ai lenge nas lenge drago lengo traio; či daranas katar e martia.

Ai me ašundem ande o čeri jekh hango zuralo kai phenelas: Akana o skipimos areslo, ai e zor, ai e amperetsia amare Devleski, ai o barimos leske Kristosko; ke vo sas šiudino tele, kai tholas doš pe amare phral, kudo kai tholas doš pe lende diese ai riate.

Ai vo sas šiudino, o baro šerkano, kudo sap o purano, akhardo o Beng ai o Satan, kudo kai athadias sa e lumia. Vo sas šiudino pe e phuv, ai leske andželi sas šiudine lesa.

Sa anda kudia veselin tume, čeri, ai tume kai bešen ande o čeri. Nasul t'avel la phuviake ai la mariake! ke o beng vulisto karing tumende, lias les jekh bari xoli, žianel ke si les tsiřa vramia.

Sas jekh marimos ande o čeri, o Mihail ai peske andželi marde-pe pe o šerkano. Ai o šerkano ai peske andželi marde pe

Ai o šerkano lias les e xoli pe e žiuvli, ai vo gelotar te kerel marimos pe so mai si latar, pe kudala kai garade le poronki le Devleske ai kai patian o čačimos le Jesusosko.

Jekh baro semno sikadilo ande o čeri: jekh žiuvli uriadi ande o kham, o šiunuto tela lake punře, ai jekh kurona anda deš-u-dui čeřaia pe lako šero. Voi sas phari, ai voi tsipilas, ai dukhalas la ke sas te avel la glata.

Arakhadilo lake jekh šiav, kai trubul te marel sa le thema jekha rovliasa sastruni. Ai laki glata sas lini karing o Del ai karing lesko skamin amperatisko. Ai e žiuvli našli ande e pusta, kai sas la jekh than lašiardo katar o Del, eta t'avel pravardi pašte jekh mia ai dui šela ai šov-var-deš dies.

Jekh kaver semno mai sikadilo ande o čeri; ai eta, sas jekh baro šerkano lolo, sas les efta šere ai deš šinga, ai pe sako šero efta korunitsi. Leska poriasa ningerelas pašte dopaš le čeřaia anda o čeri, ai šiudelas le pe e phuv. O šerkano ninkerelas pe angla e žiuvli kai si t'avel la glata, eta te xal laki glata, kana voi arakhadiola.

Ai le dui phaka katar o baro ulio sas dine ka e žiuvli, eta te vurial ande e pusta, karing pesko than, kai voi sas pravardi jekh vramia, vrami, ai dopaš e vramia, dur katar e fatsa le sapeski. Ai, anda o mui, o sap šiudias pai sar jekh baro pai palal e žiuvli, eta te ningerel la o baro pai. Ai e phuv ažutisardias la žiuvlia, ai e phuv puterdias pesko mui ai tasavdias o pai kai o šerkano šiudiasas anda pesko mui.