Popular Bible Verses from Sikavimos 11

Share

O eftato andželo bašavelas ande e tuturiaza. Ai sas ande o čeri zurale hanguri kai phenenas: E amperetsia la lumiaki si dini ka amaro Baro ai ka lesko Kristo; ai von amperetsina berš beršestar.

Le thema xoliaile; ai tjiri xoli avili, ai e vramia avili te des pe kris le mulen, te pokjines tjire slugen le profeturi, le svintson ai kudalen kai daran katar tjiro anav, le tsinořen ai le baren, ai te phařaves kudalen kai phařaven e phuv.

Me dava ka muře dui marturia e putiaria te phenen so avela, uriade ande le gone, pašte jekh mia ai dui šela ai šov-var-deš dies.

Pala le trin diesa ai dopaš, jekh duxo le traiosko avel katar o Del, dela ande lende, ai von bešen pe penge punře; ai jekh bari dar lela kudalen kai dikhen le.

Len si len e putiaria te phandaven o čeri, eta te na perel brišin le dies kana von phenen so avela; ai len si len e putiaria te pařuven le paia t'aven rat, ai te malaven le phuvia anda sako fialo dukh, sako data kai von kamen.

Le dui marturia si le dui kopačia maslini ai le dui lampi kai bešen angla o Baro la phuviako. Te si varekon ke kamel te kerel lenge nasul, jag anklel anda lengo mui ai xal lenge dušmanon, ai te si varekon ke kamel te kerel lenge nasul, vo trubul t'avel mudardo kadia.