Popular Bible Verses from 1 Jono 4

Share

E dar nai ande o kamimos, numa o kamimos lašio del rigate e dar; ke katar e dar šai t'avel jekh strafo, ai kudo kai daral nai leske mišto ande o kamimos.

Tume, tsinoře glati, tume san anda o Del, ai tume nirisardian le xoxamne profeton, ke kudo kai si ande tumende si mai baro sar kudo kai si ande e lumia.

Ame kamas les, ke vo kamlias amen o mai angluno.

Muře dragi, kamen jekh kavres; ke o kamimos si katar o Del, ai ke varekon kai kamel arakhadilo katar o Del ai žianel le Devles.

Kudo kai či kamel či prinžiarel le Devles, ke o Del si o Kamimos.

Ai kudo kamimos si, na ke si ke ame kamliam le Devles, numa ke vo kamlias amen ai tradias peske Šiaves te pokjinel anda amende pala amare bezexa.

Muře dragi, te si ke o Del kamlias amen kadia, vi ame trubusaras te kamas ame jekh avres.

O kamimos le Devlesko sikadilo karing amende sar o Del tradias peske jekhe Šiaves ande e lumia, eta ke ame te traisaras lestar.

Ke si varekon ke phenel: Drago mange o Del, ai ke vo vuřitsil peske phrales, si jekh xoxamno; ke kudo kai či kamel peske phrales kai vo dikhel, sar kamela vo le Devles kai či dikhel les?

Kudo kai puřil pe ke o Kristo si o Šiav le Devlesko, o Del bešel ande leste, ai vo ande o Del.

Ai amen si ame lestar kadia poronka: ke kudo kai kamel le Devles kamel vi peske phrales.

Muře dragi, na patian ka sako duxo; numa zumaven le duxon, te len sama te si katar o Del, ke but falši profeturi avile ande e lumia. Prinžiaren pe kadia o Duxo le Devlesko: sako duxo kai phenel pa o Jesus Kristo ke avilo ande pesko stato si anda o Del

ai sako duxo kai či prinžiarel le Jesus nai katar o Del, si katar o dušmano le Kristosko, kai tume ašundias ke si t'avel, ai ke akana avilo inke ande e lumia.