Popular Bible Verses from 1 Jono 3

Share

Tsinoře glati, na kamen ferdi le vorbensa ai la šibasa, numa vi le kerimasa ai le čačimasa.

Ame žiangliam o kamimos, ke vo dias pesko traio pala amende; vi ame, trubul te das amaro traio pala le phral.

Dikhen ke kamimos o Dad sikadias amenge, t'avas ame akharde glati le Devleske! Ai ame sam. Te si ke e lumia či prinžiarel ame, si ke voi či prinžiarel les.

Kudo kai kerel bezex si anda o beng, ke o beng kerdias bezex de anda o gor. O Šiav le Devlesko sikadilo te rimol le butia le bengeske.

Kon-godi arakhadilo katar o Del či kerel e bezex, ke e simintsa le Devleski bešel ande leste; ai vo naštil te kerel bezex, ke vo arakhadilo katar o Del.

Te si varekon kai si les sa le mištimata la lumiake, ai kai dikhel peske phrales ke trubul les vareso, numa vo phandavel angla leste pesko ilo, sar šai bešel o kamimos le Devlesko ande leste?

Kudo kai arakhel leske poronki bešel ande o Del, ai o Del ande leste; ai ame žianas ke vo bešel ande amende katar o Duxo kai vo dias amen.

Kothar prinžiaren kudalen kai si le glati le Devleske ai le glati le bengeske. Kon-godi či kerel e kris nai ande o Del, či kudo kai nai leske drago lesko phral.

Ke so sas tumenge phendo ai ke so tume ašundian de anda o gor, si ke trubul t'avas drago jekh avreske

Te na avel tumenge šodo, phralale, te si ke e lumia vuřitsil tumen.