Popular Bible Verses from 1 Jono 2

Share

Te na avel tumenge drago e lumia, či le dieli kai si ande e lumia. Te si varekon ke kamel e lumia, o kamimos le Devlesko nai ande leste; Ke sogodi si ande e lumia, so kamel o mas, so kamen le jakha, ai le barimata le traioske, či avel katar o Dad, numa avel katar e lumia.

Ai e lumia nakhel, ai vi so kamel voi; numa kudo kai kamel te kerel sar kamel o Del bešel pe sakda.

Kudo kai phenel ke vo bešel ande leste vi trubul te phirel sar phirel vo.

Muře glati, me ramov tumenge kadala dieli, eta te na keren tume bezexa. Ai te si varekon ke kerdias bezex, amen si ame jekh advokato paša o Dad, o Jesus Kristo o vorta.

Kudo kai phenel: Me prinžiarav les, ai kai či garavel leske poronki, si jekh xoxamno, ai o čačimos nai ande leste.

Te garavasa ame leske poronki, kothar ame žianas ke prinžiaras les.

Kudo kai phenel ke si ande e vedaria, ai kai vuřitsil peske phrales, mai si ande o tuniariko.

Kon si xoxamno, Kudo kai del palpale ke o Jesus si o Kristo. Vo si o dušmanu le Kristosko kai del palpale le Devles ai le Šiaves.

Kon del palpale le Šiaves nai les či o Dad; kon-godi del pe ka o Šiav si les vi o Dad.