Popular Bible Verses from Zabbuli 71

Share

Kubanga ggwe oli ssuubi lyange, Ayi Mukama Katonda; Ggwe gwe nneesiga okuva mu buto bwange.

Obeerenga gye ndi olwazi olw'okutuulangako, we nnaayinzanga okweyuna bulijjo; Ggwe olagira okundokola; Kubanga ggwe oli lwazi lwange era ekigo kyange.

Naye nnaasuubiranga ennaku zonna, Era nnaayongeranga okukutenderezanga bulijjo.

Eri ggwe, Ayi Mukama, gye nzirukira; Nnemenga okukwatibwa ensonyi ennaku zonna!

Akamwa kange kanajjulanga ettendo lyo, Nnenjolesa ekitiibwa kyo okuzibya obudde.

Akamwa kange kanaatendanga obutuukirivu bwo, N'obulokozi bwo okuzibya obudde; Kubanga omuwendo gwabyo sisobola kugutegeera.