Popular Bible Verses from Zabbuli 139

Share

Nkutendereza, kubanga okukolebwa kwange kwa ntiisa, kwa kitalo; Emirimu gyo gya kitalo; N'ekyo emmeeme yange ekimanyidde ddala.

Onkebere, Ayi Katonda, omanye omutima gwange; Onkeme, omanye ebirowoozo byange; Olabe ng'ekkubo lyonna ery'obubi liri mu nze, Era onkulembere mu kkubo eritakoma.

Kubanga ggwe olina omwoyo gwange; Wammumbira mu lubuto lwa mmange.

Amaaso go gaalaba omubiri gwange nga tegunnatuukirira, Ne mu kitabo kyo ebitundu byange byonna ne biwandiikibwa. Ebyabumbibwanga buli lunaku buli lunaku, Bwe byali nga tebinnabaawo n'ekimu.

Ayi Mukama, wannoonya nze, wammanya.

N'agenda wa okuva eri omwoyo gwo? Oba naddukira wa amaaso go?

Omanyi bwe ntuula, era ne bwe ngolokoka, Otegeera okulowooza kwange nga kukyali wala.

Kubanga simuli kigambo mu lulimi lwange, Laba, Ayi Mukama, ggwe ky'otomanyira ddala.

Onoonyeza ddala ekkubo lyange n'okwebaka kwange, Era omanyi amagenda gange gonna.