Popular Bible Verses from Engero 4

Share

Weegenderezenga by'olowooza, Kubanga obulamu bwo, bufugibwa ebyo by'olowooza.

Tereezanga ekkubo ery'ebigere byo, Era amagenda go gonna ganywerenga.

Toyogeranga bya bulimba, Weewalenga okwogera eby'ensonyi.

Amagezi kye kintu ekisinga obukulu. kale funa amagezi: Mu byonna by'ofuna, beeranga n'okutegeera.

Naye ekkubo ery'abatuukirivu liriŋŋaanga akasana k'enjuba evaayo, Akagenda keyongera okwaka okutuuka mu ttuntu. Ekkubo ery'ababi liriŋŋaanga ekizikiza ekikute, Beesittala ne bagwa, nga tebamanyi kye beesittaaddeko.

Amagezi togalekanga, nago ganaakukuumanga; Ogaagalanga nago ganaakulabiriranga.

Nywerezanga ddala okuyigirizibwa; tokutanga: Kukwatenga; kubanga bwe bulamu bwo.

Toyingiranga mu kkubo ery'ababi, So totambuliranga mu lugendo olw'abasajja ababi.

Baana bange, muwulirenga okuyigiriza kwa kitammwe, Musseeyo omwoyo, mulyoke mufune okutegeera