Popular Bible Verses from Engero 19

Share

Omuntu ateekateeka bingi mu mutima gwe okukola; Naye Mukama by'ayagala, bye bituukirira.

Awa omwavu awola Mukama, Era Mukama alimusasula olw'ekikolwa kye ekirungi.

Okufumiitiriza okw'amagezi, kulwisaawo omuntu okusunguwala; Era okusonyiwa ekisobye kye kitiibwa kye.

Sangayo omwoyo eri okubuulirirwa, okkirizenga okuyigirizibwa, Olwo lw'olibeera n'amagezi gye bujja.

Okutya Mukama kuleeta bulamu: N'oyo ali nakwo anaabeereranga awo nga kumumala; Talijjirwa bubi.

Afuna amagezi yeeyagaliza ekirungi, Anyweza okutegeera aliraba ebirungi

Kangavvulanga omwana wo, nga wakyaliwo essuubi; So tomuleka kuzikirira.

Omujulirwa ow'obulimba talirema kubonerezebwa; N'oyo alimba alizikirira.