Popular Bible Verses from Engero 16

Share

Emirimu gyo gikwasenga Mukama, By'otegese lwe binaatuukirizibwanga.

Omuntu y'ateekateeka by'anaakola; Naye Mukama yabiruŋŋamya okutuukirira.

Ebigambo ebisanyusa biringa mubisi gwa njuki okuwooma; Bizzaamu amaanyi, era bireeta obulamu.

Omuntu ateekateeka by'anaakola; Naye Mukama y'asalawo eky'enkomerero.

Alwawo okusunguwala asinga omuzira nnamige; Eyeefuga mu mutima, asinga awangula ekibuga.

Amalala gakulembera okuzikirira, N'omwoyo ogwegulumiza gukulembera ekigwo.

Amakubo gonna ag'omuntu gaba malongoofu mu maaso ge ye: Naye Mukama apima emyoyo.

Assaayo omwoyo eri ekigambo anaalabanga ebirungi: Era buli eyeesiga Mukama alina omukisa.

Okufuna akatono mu mazima, Kisinga okufuna ebingi, mu bukumpanya.

Waliwo ekkubo omuntu ly'ayita eddungi, Naye ku nkomerero limutwala mu kufa.

Omuntu omubambaavu aleeta ennyombo; N'omulyolyomi akyayisa ab'omukwano ennyo.