Popular Bible Verses from Engero 11

Share

Omuntu omugabi aligaggawala; N'oyo ayamba abalala, naye aliyambibwa.

Waliwo abasaasaanya, naye ate nga beeyongera kugaggawala; Era waliwo akodowala okusinga bwe kigwana, naye neeyongera kwavuwala.

Okuba n'amalala, kuddirirwa kuswala; Naye okwetoowaza, ge magezi.

Okuluŋŋamya okw'amagezi nga kubuze, abantu bagwa: Naye awali abawi b'amagezi abangi, we waba emirembe.

Ebibala by'omutuukirivu muti gwa bulamu: N'oyo alina amagezi afuna emmeeme z'abantu.

Abungeesa eŋŋambo abikkula ebyama: Naye omwesigwa, asirikira ekigambo.

Ow'ekisa akola bulungi emmeeme ye: Naye omukambwe yeerumya yekka.

Eyeesiga obugagga bwe aligwa: Naye abatuukirivu banaabanga ng'omuti ogutojjedde.

Obugagga tebugasa, Katonda nga asunguwadde. Naye obutuukirivu buwonya mu kufa.

Obwesimbu bw'omuntu omugolokofu, bumuluŋŋamya; Naye obukumpanya, buzikiriza ab'enkwe.

Ng'eky'obuyonjo ekya zaabu ekiri mu nnyindo y'embizzi, Bw'atyo bw'abeera omukazi omulungi atalina mpisa.

Mukama akyawa okukozesa ebipimo ebitali bituufu; Naye asanyukira ekipimo ekituufu.