Popular Bible Verses from Engero 1

Share

Mu kutya Mukama okumanya mwe kusookera: Naye abasirusiru banyooma amagezi n'okuyigirizibwanga. Mwana wange, wuliranga okuyigiriza kwa kitaawo, So tova mw'ebyo nnyoko bya kugamba.

Kubanga okudda ennyuma okw'abatalina magezi kulibatta, Obutafaayo bw'abasiru bulibazikiriza. Naye buli anaawuliranga bye ŋŋamba anaabeeranga mirembe, Era anaatereeranga nga tewali kutya kabi.”

Ow'amagezi bw'aziwulira yeeyongerenga okuyiga, Era omusajja ategeera ayige okukolanga ebituufu.

Mwana wange, abalina ebibi bwe bakusendasendanga, Tokkirizanga.

Engero za Sulemaani mutabani wa Dawudi, kabaka wa Isiraeri: Ziyamba abantu okufuna amagezi n'okuyigirizibwanga; Okutegeera amakulu g'ebigambo ebikusike. Ziyigiriza amagezi ag'okukolanga eby'amagezi, Eby'obutuukirivu, eby'amazima ne by'obwenkanya. Ziyigiriza abatalina magezi obukabakaba, Ziwa abavubuka okumanya n'okutegeera.

Kale bwe balimpanjagira, nange siribaddamu. Balinnoonya nnyo, naye tebalindaba: Kubanga baakyawanga okumanya, Era tebalondawo kutya Mukama.