Popular Bible Verses from Yeremiya 38

Share

Naye Yeremiya n'ayogera nti, “Tebalikuwaayo, nkwegayiridde, gondera eddoboozi lya Mukama mu ekyo kye nkugamba; kale lw'onoobera obulungi, era n'obulamu bwo bunawonyezebwa.

“Mukama wange kabaka, abasajja bano bakoze bubi okusuula Yeremiya nnabbi mu luzzi; era ajja kufiira omwo enjala, kubanga tewakyali mmere yonna mu kibuga.” Awo kabaka n'alyoka alagira Ebedumereki Omuwesiyopya ng'ayogera nti, “Twala abasajja asatu (30), ogende nabo, oggyeyo Yeremiya nnabbi mu luzzi nga tannafa.”

“Bw'ati bw'ayogera Mukama nti, Asigala mu kibuga muno alifa ekitala, n'enjala, ne kawumpuli; naye oyo anafuluma n'agenda eri Abakaludaaya, aliba mulamu, n'obulamu bwe buliba munyago gy'ali, era aliba mulamu.