Popular Bible Verses from Isaaya 11

Share

Omwoyo gwa Mukama gulibeera ku ye, Omwoyo ogw'amagezi n'okutegeera, Omwoyo ogw'okuteesa n'amaanyi, Omwoyo ow'okumanya era n'okutya Mukama. Essanyu lye linaabeeranga mu kutya Mukama. Taasalenga misango ng'okulaba kw'amaaso ge bwe kunaabanga, oba ng'asinziira kw'ebyo by'awulidde obuwulizi.

Ensibuka erimera okuva ku kikonge kya Yese, n'ettabi liriroka okuva ku mirandira gye.

Naye anaasaliranga abaavu emisango ng'agoberera amazima, era mu bwenkanya anaasaliranga abawombeefu abali ku nsi. Aliwa ekiragiro mu nsi abantu okubonerezebwa, era ababi balittibwa.

Obutuukirivu buliba lukoba lwa mu kiwato kye, n'obwesigwa buliba lukoba lwa mu mugongo gwe.

Tewalibaawo kikola bulabe wadde okuzikiriza ku Lusozi lwa Katonda Olutukuvu, kubanga ensi erijjula okumanya Mukama, ng'ennyanja bw'ejjula amazzi.

Omusege gunaasulanga wamu n'omwana gw'endiga, n'engo eneegalamiranga wamu n'omwana gw'embuzi; n'ennyana n'empologoma n'ennyana ensava binaagalamiranga wamu, n'omwana omuto yalizikulembera.

Olunaku lulituuka, asibuka mu kikolo kya Yese, aliyimirira okuba ebendera eri amawanga. Oyo amawanga gwe ganaanoonyanga, n'ekifo mwalibeera kiriba kya kitiibwa.