Popular Bible Verses from Okuva 3

Share

Katonda n'agamba Musa nti, “NINGA BWE NDI,” n'ayogera nti, “Bw'otyo bw'olibagamba abaana ba Isiraeri nti, ‘NDI ye antumye eri mmwe.’ ”

Katonda n'amugamba nti, “Mazima ndibeera wamu naawe; era kano ke kabonero akalikukakasa nga nze nkutumye: bw'olimala okuggya abantu abo mu Misiri, mulinsinziza ku lusozi luno.”

N'ayogera nti, “Tosembera wano; ggyamu engatto zo mu bigere byo, kubanga ekifo ky'oyimiriddemu kitukuvu.”

Mukama n'ayogera nti, “Ndabidde ddala okubonaabona okw'abantu bange abali mu Misiri, ne mpulira okukaaba kwabwe olw'abo ababakozesa; ntegeeredde ddala okubonaabona kwabwe; era nzise okubawonya mu mukono ogw'Abamisiri, n'okubaggya mu nsi eyo, mbayingize mu nsi ennungi, era engazi, ekulukuta amata n'omubisi gw'enjuki; erimu kati Abakanani, Abakiiti, Abamoli, Abaperizi, Abakiivi n'Abayebusi.

Malayika wa Mukama n'amulabikira mu lulimi lw'omuliro okuva wakati w'ekisaka. Musa n'alaba ekisaka ekyo nga kyaka omuliro, naye nga tekisiriira.

Kale nno jjangu, nkutume eri Falaawo mu Misiri, oggyeyo abaana ba Isiraeri, abantu bange.”