Popular Bible Verses from Romans 3

Share

qanuq iñupayaat piḷuksiŋarut aasii God-im nanġaġumiñaitkaa kiñaliqaa nalaunŋaniḷugu. Tavraasii, nagliktuutiqpaqaqłuni, God-im nalaunŋasipkaŋagai iñupayaat akiiḷaamik. Ilaan tiliŋagaa Christ Jesus akiḷiquvlugich piḷuutipayaurat tuqulugu aŋarraurami.

Taamna nalaunŋasipkaun qairuq ukpiġutikun. Iñupayaaq ukpiqtuaq Jesus Christ-mun nalaunŋasipkaqtauniaqtuq sivuġaani God-im. Iñuich iluqaġmiŋ atirut

God-im tiliŋagaa Jesus tuqutquvlugu aasii maqipkaġlugu auŋa akiḷiqsaġlugich piḷuutiŋich iluqaġmiŋ ukpiqtuat inmiñun. Taamna piŋagaa salapqiġukługu nalaunŋatini suliqutigiŋaiqsiñiġmigun piḷuutinik, piḷuusiqiaŋiññik-unnii iñuich Christ tuquŋaiñŋaan. God-im tatavsaŋaitkai tavrauvvaa manimmiḷgutiqaqłuni. Tavra paŋmapak God-im salapqiġaa nalaunŋatilaani suli nalaunŋasipkallatilaaŋanik kiñaliqaa ukpiqtuaq Jesus-mun.

Kiñaliqaa nalaunŋarualiyumiñaitchuq inmiñik sivuġaani God-im, kamagiugaġniḷugich pitquraŋi God-im ataramik, qanuq pitqurat iḷisautigiññaġaatigut qanutun piḷuktilaaptiŋnik.

Bible-ni aglausimarut uqaluich inna, “Iñuitchuq nalaunŋaruamik, atausiuramikunnii nunam iñupayauraŋi. Iñuŋmik piitchuq atausiuramikunnii kaŋiqsiruamik naagga kaŋiqsisuktuamik God-mun qanuq iñuutqutilaamiñik. Iñupayaat asivaŋarut nalaunŋaruaniñ apqutiniñ, aasii tammaqłutiŋ piḷuunmi. Iñuitchuq nalaunŋarualiqiruamik atausiuramikunnii.

qanuq iḷisimarugut iñuk nalaunŋasipkaqtautilaaŋanik ukpiġutaagun Christ Jesus-mun. Iñuk nalaunŋasipkaqtaulaitchuq kamaginiḷugich pitqurat.

Naaggapiaġataq. Iñupayaaq saglusuugaluaġniqpan, God sagluyumiñaitchuq. Bible-ni aglausimaruq God-ikun inna, “Nalaunŋasuurut uqaluktin iñuich unnii uqaġaluaġmata nalaunŋiññivḷutin pisaaŋavlutin.”