Popular Bible Verses from Romans 2

Share

Isumanak God-mun isivġiġñiaġasugalugich allat kisiisa, piḷuksiruat tamatkunuuna, aasii isivġiŋiḷḷutin tamatkuniŋaptauq piḷuksisiqaqavich. Isumaruksrauŋitchutin God suaŋaiññasugalugu qanutun manimmiḷgutigimmatin tatavsalaisaaqłutin. God-im qiñuirrutigaatin piaqłuktaŋitkaatillu isumalitqiquvlutin.

Tavrali ilivich, kiugaluaġuvich, tainnatuttauq piḷuksiŋarutin taipkunatun iñuktun, aasii pasiraksraummiutin. Isivġiqapkich taipkua iñuich piḷuusiqirualivḷugich, iliŋnun isivġiġmiutin, qanuq piḷuksimmiutin tainnatun.

Qanuq God atiruq iñupayaanun.

Tamatkua kamaksriruat God-im pitquraŋiñik nalaunŋanirauniaqtut, aglaan tusaaruat kamagigaluaġnagich pitqurat God-im nalaunŋarualiñiaŋitkai.

Qanuq God-im paaqłiġñiaġaa iñupayaaq qanuq iñuuŋaniŋagun.

Aglaan God-im qinnautipiaġataġniaġai iñuuruat isummaatuuqłutiŋ piḷuusiqirauvlutiŋ, iñuusuŋaġnatiŋ God-im iñuutqutiŋigun.

Aglaan sivunmuuguvich suli uqaqsiġiirrutiŋni isumalitqiguŋiḷḷutin God-mun qinnaliqsaiññautipkaqtutin. Ilaan qinnautaa salapqiġumaaqtuq uvlumi ilaan nalaunŋaruakun isivġiqpagich iñupayaat.