Popular Bible Verses from Romans 15

Share

Taavrumatuq niġiuksruiruam God-im, quviasuutiqpaqaqtillisi tutqiutiqpaqaqtillusiḷu ukpiqsimaaġnivsiññi. Tavraasii qapiŋasiñiaŋitchusi niġiuktuallavsi, qapiŋaisaaqtiqaqłusi Ilitqusiġiksuamik iḷuvsiññiittuamik.

Iluqaġmiŋ aglausimaruat Bible-ni iŋiḷġaan, aglaagurut iḷisautisaqłuta qiñuirrunmik qapiŋaisaaqłutalu, niġiuquvluta iñuggunmik isuitchuamik.

God-im qiñuisitkaatigut quviasaaqłutalu. Aasii ilaan iñuupkaġlisi aŋuyautaiḷḷusi avanmun, nalaupiaġlugu Christ iñuutqutaa ilivsiññun. Tainna iñuuguvsi, iluqasi atautchisun iñuktun nanġaġumiñaġniaġiksi God, Aapaŋa Atanipta Jesus Christ.

Taamna pisigilugu, paġlatisitchi avanmun, tainnatuttauq Christ paġlaŋagaasi, God nanġausiaqaquvlugu.

Atausiullaaluta iluqata iviġagniaġlavut siḷallivut anniqsuqsaġlugich, suaŋasiyumaut ukpiġunmiŋni.