Popular Bible Verses from Romans 14

Share

Qanuq naumaniqsraq ukpiqtuat aŋalatittuat God-mun, piraksraŋat niġikkaptiguaŋitchuq imikkaptigullu, aglaan iñuuluni nalaunŋaruakun, pigilugu aŋuyautairrun, quviasuullu Ilitqusiġiksuakun. Iñuk savaurriruaq Christ-mik iñuuvluni tainna, God-im iviġaumagigaa, iñuiḷḷu iviġaumagimmigaat.

Iñuuŋŋapta iñuurugut iviġagukługu Ataniq, suli tuqugaluaġmigupta, tuquniaġmiugut ilaan pisuutaagun. Tavraasii iñuugaluaġupta naagga tuqugaluaġupta, Atanġum pigigaatigut.

Tavraasii pisa supayaamik aŋuyautaiññaqtuamik sivunmuktuutauyumiñaqtuamiglu ukpiġunmun.

Tamatkua tainnainniġmata, tavraŋŋaaglaan aniqatiivut uqausiġiŋaiġḷavut killukuaqtaġniḷugich, aglaan qaunagiłhaaqta agvisausuŋiḷḷuta aniqatipta piḷuksiñiksraŋanun.

Sivuniġivlugu taamna aglausimaruq Bible-ni inna, “Nalupqinaisilaaŋatun iñuutilaaġma, uqallaktuq Ataniq, iñupayaat punniaqtut sivuqqamnun, aasii iñupayaat nanġaġniaġaanŋa God-auniḷuŋa.” Tavra iluqapayaurapta uqaġviginiaġikput God qanuq piŋatilaaptiŋnik iñuuŋŋapta.

Kiñaliqaa suaŋaitkaluaŋŋaan ukpiġutaa, paġlasiuŋ aŋaiyyuliqiruat kasimaniŋannun. Uqavaaqatigisuŋaġnagich sunik ukpiġiraqaġniŋat.

Kiñaliqaa nalaunŋaruamik uqallakkumiñaitchuq iñuum allam kivgaŋa killuliqinigumiuŋ. Ilaan nanmiñiq atanġata nalaunŋarualiñiaġaa naagga killuliqirualiñiaġaa. Isivġiqsiqaġniaqtuq Ataniġmik nalaunŋarualiḷugu, qanuq God-im ikayuġniaġaa nalaunŋarualiqiyumiñaqsiḷugu.