Popular Bible Verses from Matthew 21

Share

Suli supayaamik apiqsriguvsi aŋaiyyutigilugu, aitchuusiaġiniaġiksi ukpiġutiqaġuvsi.

Tavra Jesus kiuŋagai, Iḷumun uqallautigivsi, ukpiġutiqaġuvsi sumikunnii nalupqisuŋiḷḷusi kisianik savaaqallayumiñaitchusi taavrumiŋa pirauruamik fig napaaqtuanun, aglaan uqallakkuvsiunnii uumuŋa iġġimun, Nuuttin, igitaugiñ taġiumun, taamna pirauyumiñaqtuq.

Tavra iñusalaich pisuaqtuat sivuani tamatkualu aquaguaqtuat nipaalaŋarut, Hosanna. Nanġaqtauli Iġñiŋa David. God-im piḷḷuataqtilliuŋ qairuaq pisivlugu Ataniq. Nanġaqtauli God.

Ilaan uqallautiŋagai, Aglausimaruq Bible-ni God uqallaŋanivḷugu, “Igluqpaga taggisiqaġniaqtuq iñupayaat aŋaiyyuyaqtuġviannik.” Aglaalli ilivsi iriqtuġviḷiutiŋagiksi tigligayuktinun.

“Uqallautisigik iñuŋi Zion, Uvva, umialivsi ullakkaasi! Kamasaaŋitchuq, suli kakaksiqsuq kakaktimi, nuġġaŋani kakaktim.”

Jesus uqallautiŋagai, Qaŋaunnii taiguaġiŋaitpisiuŋ Bible uqaluŋiññi? “Kaŋiġalluŋmi uyaġagruaq, piitchuiññiqsrapiaq igluqpiruni, taamna igluqpirit iginŋagaat. Taamna piŋaruq nalaupiaqługu Atanġum sivunniuġutaa. Qanutun aliuġnaqtigirut ilaan piraŋi.”

Tavrasuli Jesus uqallavsaaŋaruq, God-im atanniqsimaniaŋitkaasi, ukpiŋiññavsi, aasii atanniqsimalugich allat kamaksriyumiñaqtuat inmiñik, iñuatun siiġñaqaġvium qaitchiruatun siiġñaqaġviŋmiñik allanun aitchuiḷḷaruanun siiġñanik inmiñun piviksrakun.