Popular Bible Verses from James 3

Share

Aglaan isumattutim paŋmaŋŋaqtauruam iñuk piḷuutaisitkaa aŋuyautairrutiqaqtitkaalu pikałaktautairrutiqaqtitkaalu uqayunaqtitkaalu, suli nagliktuiḷḷatuqpaktuq anniqsuiḷḷaturuġlu, atunim aŋalatkai iñuich, naagga piŋŋuaġutaitchuq.

Kiña akunnavsiññi isumaturuaguva kaŋiqsisiqaqpalu? Isumattutiqaqtilaani kaŋiqsisiqaqtilaaniḷu iḷisimanaqtilliuŋ iñuulluataunmigun savaalluatamigullu kamasaaŋaiġḷuni isumattutiqaġluniḷu.

Aasii iñuich atisipkaiñiaqtuaguruat nalaunŋaruakun iñuich iñuuniaqatigiiksillagaich piisinniaqługu atiŋirrun.

Qanuq iñuich killuqqutimmata siŋñarrautimmatalu atiŋirrutinikkayuktut, qanusipayaaġlu pigiitchualiqiniq iḷivḷuni.

Uqqaptiŋnik nanġaġuugikput Ataniq, Aapalu, suli uqqaptiŋnik uqamaqłuutivlugich iñuich savaaguruat arriŋatun God-im. Qanuq atautchimiñ qaniġmiñ qairuk quviasaaġullu uqamaqłuullu. Aniqatiimaaŋ, taamna tainnaittuksrauŋitkaluaqtuq.

Tainnatuttauq uqaq igniqtun inmiuq, Uqqam salapqiġuugai iñuum isumagiirrutiŋi salapqiqł̣ugu iluqaan pigiitchuapayaaq iḷisimakkaŋat iñupayaurat. Uqqam salapqiġuugaa iñuum siḷivinŋatilaaŋa piḷuunmik suraġaġnipayaakun. Tavraasii uqaq igniqtun iłłuni ikuallaktitaŋatun nagliksaaġvium, iłuiḷḷiuġutiqaqtitkaa iñuuniqput iluqaan sivisutilaaŋatun.

Aglaan kialiqaa iñugruiññaum aŋalallasiyumiñaitkaa pamiqsaatun uqaq pigiitchuaq, siḷivinŋaruaq tuqunamik.

Aniqatiimaaŋ, iñugiaktuasii iḷisaurriġuġnasi, qanuq iḷisimarusi uvagut iḷisaurriruaguut isivġiusiaqaġniaqtugut tuniqtulluktuamik allaniñ.